Når det gjeld lønsforhandlingar i og utanom tariffperiodane, er det ei misoppfatning at det ikkje er mogeleg å forhandla løn utanom tariffoppgjera. Avtaleverket inneheld ein rekke forhandlingsbestemmelsar som kan nyttast i perioden mellom dei årlege forhandlingane. Dei har mange gonger vore nytta for små og store grupper for å løysa spesielle utfordringar.

Politiet jobbar særs mykje overtid. Etaten har brote arbeidsmiljølova ca 20 000 gonger på 10 månader for å dekka samfunnet sitt behov for polititeneste. Når me legg til andre faktorar ved politiyrket som til dømes risiko, vald- og trugsmål, låg verdsetting og låg løn, undrar Politiets Fellesforbund seg ikkje over at folk kan verta både slitne og sjuke av presset. Det me undrar oss over at andre ikkje ser denne samanhengen.

Når det gjeld det Dagens Næringsliv beskriv som "utnytting" av sjukelønsordninga, vil eg på det sterkaste ta avstand frå det. Eg har fleire gonger sagt at dersom nokon av medlemmane i Politiets Fellesforbund melder seg sjuke utan å vera det, noko eg ikkje trur dei gjer, må dei slutta med det.

Politiet er ein etat med særs lågt sjukefråvær. Det er også eit faktum at sjukefråværet i politiet ikkje har gått opp den siste tida, jfr også oppslag i Dagsavisa 22.11.


Arne Johannessen
Forbundsleiar